|
|
|
|
|
|
Olkõ et HR (s. 24. 11. 1938) om ummi värsse perrä tõtõ lõunaeestläne, ütlese targaq raamaduq, et tää om sündünü ja kasunu Järvamaal,Võhmuta vallan Liutsaku külän. Timä vanõmbaq olliq Järvamaalõ rännänüq Võromaalt ja HR mäletäs, et muu külärahva seen oll` veidüq niguq vyyra tunnõq. HRi esä kuuli inne, ku poiss 5. klassi läts`, a oll` joudnuq herähtäq huvvi kirändüse ja kultuuri vasta. Võiollaq selle, et kodokiil` oll` tõnõ ku muijal, omgi HR võrokeelitsit luulõtuisi pannuq kygõpäält latsiraamatihe.
A väega ei massa vahet tetäq latsi- ja suurikirändüse vaihhõl, ku HR esiqki om avaldanuq sammu tekste nii latsilõ ku "peris"- kogoden. |
Alg- ni põhikoolitusõ sai HR 1945-52 Jalgsema küläkoolin, Järva-Jaani ja Ambla alõvikuulõn, keskhariduse 1952-56 Tartu I ja Paide keskkuulõn. 1957-62 opsõ EPA kaugoppõn maaharimist. 1956-66 oll` HR tüül kodokolhoosen, 1966-71 tüüt` Talinan Loomingu toimõndusõn. Pääle toda oll` priikiränik. 1973. aastagast, ku naasõ (luulõtaja Katre Ligi) võtt`, eläs Tartun. Perren om 6 last. 1988-90 oll` HR ajakirä Akadeemia alostamise ja välläandmise man, 1992. a-l kirästüse Ilmamaa üts` asutajid ni omanikkõ. Tuustaost tegeles “Eesti mõttõluu” sarjaga.
Luulõtama nakass` HR ülikooli-aigu, 1963 ilmusiq edimädseq värsiq aokirändüsen, 1965 tull` edimäne kogo. Edimädseq võrokeelidseq värsiq ommaq ilmunuq latsikogon “Mere ääres, metsa taga”. Võrokeelitsit luulõtuisi võit löüdäq viil kogodõst “Kiikajon ja kaalepuu”, “Üle Alpide” ni “Haruldused”.
HR ütes tähtsämbäs mõotajass või pitäq mulgi luulõtajat Henrik Adamsonni. Pääle timä ja viil` pall`odõ Eesti kirämiihi om HR uur`nuq ja käsitelnüq Paul Haavaoksa ja Jaan Lattikut. Viimätse kogot jutuq (“Kui meil veel püksa ei olnud”, Ilmamaa 1998) ommaq HRi toimõndõt.
Luulõq:
Maa lapsed ER 1965
Laulud tüdrukuga ER 1967
Avalikud laulud Perioodika 1970
Lauluraamat ehk Mõõganeelaja ehk Kurbade kaitseks
Perioodika 1972
Miks ja miks ER 1973
Mõru ning mööduja Perioodika 1976
Mere ääres, metsa taga ER 1977
Kodu-käija ER 1978
Mõtelda on mõnus ER 1982
Punaste õhtute purpur ER 1982
Laulud eestiaegsetele meestele Perioodika 1988
Taadi tütar ER 1989
Kiikajon ja kaalepuu ER 1991
Oli kevad, oli suvi ER 1992
Üle Alpide Ilmamaa 1997
Haruldused SE&JS 1998
Ma tean, et ma tulen kord jälle Ilmamaa 1998
Näüdendiq:
Küüni täitmine (HR & Madis Kõiv) Ilmamaa 1998
Jutuq, eseeq:
Ei hõbedat, kulda ER 1984
Juturaamat ER 1986
Mõõk ja peegel (esseeq värssen) ER 1988
Isamaavajadus Perioodika 1991
Jooksu pealt suudeldud Ilmamaa 1998
Erälde om viil vällä antu kynõq:
“Juhan Luiga ja Vene küsimus: Avalik loeng
Tartu Ülikooli Arstiteaduskonna aulas 8. okt.
1993” (1993)
HR kotsilõ lukõq om pall`o. Nuuq paar` luulõkoko, midä
nõukogodõ võim umal aol nimmadaq es lupaq, ommaq kah
takkaperrä ärq arvustõt. Väiku valik olõs:
KK XII 1970 (S. Nagelmaa)
KK XII 1973 (esiqhindäst)
Lng IV 1977 (M. Mäger)
KK IX 1980 (L. Iher)
KK IV 1985 (A. Langemets)
Lng VIII 1987 (R. Mirov)
Vk VIII 1987 (esiqhindäst)
Vk XI 1988 (H. Krull)
Lng XII 1991 (A. Ehin)
Pm 14. IX 1992 (P. Künstler)
KK XI 1992 (V. Vahing)
Ekspress 23. I 1998 (K: Kesküla)
Maaleht 19. XI 1998 (intervjuu)
Ppl 22. XI 1998 (A. Lõhmus)
Viil om HRist pikält juttu “Eesti kirändüse aoluu”
5. osa tõsõn raamadun.
|
| |
|
