| Võro Instituudi tähtsämbäq tegemiseq |
 |
|
Kõigi Võro Instituudi tähtsämbide tegemiisi tsihis om tukõq paikkundlidsõ keele ja kultuuri püsümist parhillatsõn ütiskunnan. Tuujaos om täämbädsel pääväl vaia umakeelist trüküsõnna, aokirändüst, kultuuriello ja koolioppust. Üte seeniq õnnõ suulidsõn pruugin olnu keele kujondamisõl täämbädse päävä nõudmiisilõ vastavas kultuurkeeles teküs küsümiisi ja häti inämb ku küländ. Kiilt saa-i kaitsa, ku ei tiiäq keele tarvitamisõ saisu, kiilt saa-i tarvitaq trüküsõnan ja aokirändüsen, ku tedä olõ-i küländ uurit, kiilt saa-i koolin opada, ku tuu jaos ei olõq metoodikit ja ainõkavvu, opimatõrjaalõ ja välläopat oppajit. Instituudi tüü päätsihiq ommaq: Kõiki naidõ uurmiisi ja eräle projektõ perrä om olnu kimmäs praktilinõ tarvidus. Om olnu vaia küssüq ja uuriq asju, midä inne olõ-i uurit ja minkast tiidmiisi olõ-i. Instituudi kõrraldõduidõ uurmisi tulõmuisi om parhillatsõs är trükit nii Eesti ku vällämaa tiidüsvälläandin, näid om tarvitõt nii paigapäälitside ku riigi otsussidõ tegemise man. |