| Kirätöie võistlus "Mino Võromaa" |
 |
| Miä sünnüs |
|
Võro Instituut kuulutas vällä 25. latsi ja nuuri võrokiilside kirätöie võistlusõ Oodami juttõ, luulõtuisi, nal´ajuttõ, näütemängõ, katõkõnnit, märgotuisi, laulõ – kõiksugudsõ’ kirätüü’ omma’ oodõdu! Timahavva saava’ latsõ’ ja noorõ’ valli’ 13 teema hulgast, hinnatas iks vannusõrühmi perrä (I-III, IV-VI, VII-IX ja X-XII klass). Teema piä-i olõma, a või olla ka jutu päälkiräs. Kiä taht, või kirota’ ka mõnõl tõsõl, süämelähküdsel teemal. Mul om külh Võromaal hää ellä’ Võromaa om ilmanaba Koolibussi lugu/luu’ Kuis mi mardisandin/katrisandin kävemi Midä saa/ei saa’ osta’ raha iist Mu edimädse’… Ilmast om viil ütte ku tõist puudu. Ma nakka vällä löüdmä (leiutama)! Mi ao rõiva’ Mille tetä’ sporti Hängmise mõnu’ ja hädä’ Määne om Võromaa 25 aastaga peräst? Mu kõgõ pikemb käümine vai rattaga sõitminõ vanna Võromaad piten Üts osavõtja või saata’ võistlusõlõ kuni kolm tüüd. Ku tüüd kuigi meili pääle saata’ ei saa’, või käsikirä saata’ Võro Instituuti, Tartu 48, 65609 Võro liin. Kõgõ parõmba’ tüü’ avaldõdasõ’ sarja „Mino Võromaa” 25. latsiraamadun. Lähembält saa võistlusõ kotsilõ küssü’ 782 8753, 525 3215 (Kaile Kabun). |