Võrokeelidse luulõ lugõmisõ võistlusõl võiva’ luulõtuisi lukõ’ kõiki aoluulidsõ Võromaa kuulõ eri vannusõn koolilatsõ’. Egä kooli lugõja kand ette üte pala - Artur Adsoni luulõtusõ vai mõnõ tõõsõ kirotaja võrokiilse luulõtusõ vai jutu (osa jutust). Lugõmisõ pikkus ei või’ olla’ üle viie minodi. Hindaminõ käü kolmõ vannusõrühmä perrä: I-IV kl, V-IX kl, X-XII kl. Egäst koolist oodami ekkä vannusõrühmä ütte ütsikut esinejät vai kooni 4-liikmõga rühmä. Ütest koolist ei saa’ võistlusõlõ tulla mitu üte vannusõrühmä kavva.

Artur Adsonilõ (1889-1977) pühendet võrokeelidse loomingu ettekandmisõ võistlusõ mõtõ om edimäst suurt luulõtajat miilde tulõta’ ja lukõ’ tõisigi kiränikõ võrokiilset loomingut. Edimäne luulõvõistlus oll jo 1999. aastagal Artur Adsoni 110. sünnüaastapäävä avvus.

Koolõn võissi inne umaette võistulugõmisõ tetä’, validen vällä kõgõ parõmba’ lõppvõistlusõl esinejä’.

LUULÕVÕISTLUS om riidi,

MAHLAKUU 23. PÄÄVÄL (23.04) 2010 kell 13.00

Sännä mõisan.

Küllä tulõva hää’ laulja, kinka nimi jääs jüripääväni saladusõs. Hää luulõlugõja saava avvuhinna’.

Pallõmi kuulõ osavõtust (lugõja nimi, vannus, klass ja kuul ni kuulmeistri nimi, luulõtusõ vai pala päälkiri ja kirotaja) teedä’ anda’ Võro Instituuti (tel. 78 28754/56 143780 vai meili See e-posti aadress on kaitstud spämmirobotide vastu. E-posti aadressi nägemiseks peab olema JavaSkripti kasutamine olema lubatud. pääle nika ku 19.04.2010.

Kõrraldaja’: Võro Instituut

MTÜ Sänna Mõiskeskus