Vahtsõnõ teedüs!!!

Mino Võromaa jutuvõistlusõlõ kirätöie esitamise tähtaigu om pikendatu nika ku 10.02.2010!

Võro Instituut kuulutas vällä 23. latsi- ja nuuri võrokiilside kirätöie võistlusõ Mino Võromaa

Oodami juttõ, luulõtuisi, nal´ajuttõ, näütemängõ, katõkõnnit, märgotuisi, laulõ – kõiksugudsõ’ kirätüü’ omma’ oodõdu’!

Pallõmi teema valikul meelen pitä’ hindä vannusõrühmä teemasiid. Teema piä-i olõma jutu päälkiräs – päälkiri märgi’ esi’ vällä!

I-V klass: Kiiksuga jõulujutu’, Lõpulda luu’ (nuu’, minkä lõpp om ka luu algusõs), Vikakaari-värvi luu’, Ilosa lõpuga luu’, Luudus kõnõlas, Vanavanõmbidõ meenutuisi

VI-IX klass: kiiksuga jõulujutu’, täämbädse päävä muinasjutu’, absurdiluu’ Võromaa eläjist, kuimuudu pininuki’ kosmosen (vai koolin, latsiaian, pääliinan jne) käve, upakil ilmaruum, luudus kõnõlas

X-XII klass: kiiksuga jõulujutu’, võro kirändüse lätte’, upakil ilmaruum, kõgõ parõmba unõjutu’, kuimuudu pininuki’ kosmosen (vai koolin, latsiaian, pääliinan jne) käve, luudus kõnõlas

NB! Kiiksuga jõulujutun pallõmi pruuki umal fantaasial linnada laskõ’ – kirotagõ’ kasvai päkätsist ja päävälillist, kuimuudu hernehirmutis jõuluvana tüü hindäle sai, vihmamäntliga jõuluvanast, suvikürvidsä seikluisist jõuluvana kingikotin jne!

Oodami latsi ja nuuri nii tütrikke ku poiskõisi võistlustöid ildambalt 10. radokuu (10.02) pääväs 2010 Võro Instituuti.

Tüü’ tulõ saata’ meili pääle! Üts osavõtja või saata’ võistlusõlõ kuni 3 tüüd. Ku latsõl om rassõ interneti tiil kirätöid saata, pallõmi latsõ hindä käega kirotõdu’ tüü’ postiga saata. Kõgõ parõmba’ tüü’ avaldõdasõ’ sarja „Mino Võromaa“ 23. latsiraamadun. Augustikuun om Mino Võromaa võistlusõ parõmbidõ vastavõtt ja raamadu kaejadsi’ Võrol. Mino Võromaa sarja 23. raamadu pildi’ tsehkendäs Navitrolla.

Saada’ uma tüü:  See e-posti aadress on kaitstud spämmirobotide vastu. E-posti aadressi nägemiseks peab olema JavaSkripti kasutamine olema lubatud.

Ku kuigi meili pääle tüüd saata ei saa’, või käsikirälidse tüü saata’ Võro Instituuti, Tartu tn. 48, 65609 Võro liin

Lähembält saa võistlusõ kotsilõ küssü’  78 28 753, 51 17348  (Kadri G Laube)

PRINDI SEO TEEDÜS VÄLLÄ:  teade_minovoromaa23.doc