Artur Adsonilõ pühendet võrokeelidse loomingu ettekandmisõ võistlusõ mõttõs om suurt luulõtajat miilde tulõta’ ja lukõ’ tõisigi kiränikõ võrokiilset loomingut. Edimäne luulõvõistlus oll jo 1999. aastagal Artur Adsoni 110. sünnüaastapäävä avvus.

Võrokeelidse luulõ lugõmisõ võistlusõl võiva’ luulõtuisi lukõ’ kõiki aoluulidsõ Võromaa kuulõ eri vannusõn koolilatsõ’. Egä kooli lugõja kand ette üte pala - Artur Adsoni luulõtusõ vai mõnõ tõõsõ kirotaja võrokiilse luulõtusõ vai jutu (osa jutust). Lugõmisõ pikkus ei või’ olla’ üle viie minodi. Hindaminõ käü kolmõ vannusõrühmä perrä: I-IV kl, V-IX kl, X-XII kl. Egäst koolist oodami ekkä vannusõrühmä ütte ütsikut esinejät vai kooni 4-liikmõga rühmä. Ütest koolist ei saa’ võistlusõlõ tulla mitu üte vannusõrühmä kavva.

Kuulõn võissi inne umaette võistulugõmisõ tetä’, et kõgõ parõmba’ vällä valli’.

LUULÕVÕISTLUS om riidi,

MAHLAKUU 24. PÄÄVÄL (24.04) 2009 kell 14.00

Võromaa Keskraamadukogo latsiosakonnan

Küllä tulõva’ muusigu ja mõni küläline jäetas saladuses kah.

Pallõmi kuulõ osavõtust (lugõja nimi, vannus, klass ja kuul ni kuulmeistri nimi, luulõtusõ vai pala päälkiri ja kirotaja) teedä’ anda’  Võro Instituuti (tel. 78 28753/5117348 vai See e-posti aadress on kaitstud spämmirobotide vastu. E-posti aadressi nägemiseks peab olema JavaSkripti kasutamine olema lubatud. ) nika ku 20.04.2009.

Kõrraldaja’:          Võro Instituut

MTÜ Sänna Mõiskeskus