Võro Instituut lätt edesi vahtsõaastakuun alostõduisi avalikkõ arotamiisiga võro keele ja kultuuri üle. Neläs arotus om neläpäävä, 16. mahlakuu pääväl (16.04.) kell 17.15 Võro Instituudin. Teemas om "Võro kiil koolielon" (Võru keel koolis). Arotust vidä Sixten Sild.

Arotama oodõtas kõiki, kiä tahtva' sõnna võtta' koolielo ja võro keele kotsilõ. Küsümiisi hulgan omma' võro keele oppaminõ, uskmisõ' ja hädä'. Kas võro kiil piässi koolin olõma valikainõ', huviharidusõ osa vai olõ-i määnestki eräle tähelepannu vaia?

Arotusõlõ oodõtas noid, kiä tahtva' võro keele pruukmisõ kotsilõ koolõn ummi arvamiisi ja ettepanõkit vällä kõnõlda'. Ummi mõttit või saata' ka kiräga (Tarto uulits 48, Võro liin vai See e-posti aadress on kaitstud spämmirobotide vastu. E-posti aadressi nägemiseks peab olema JavaSkripti kasutamine olema lubatud. ).

Võro Instituudi kõrraldõduisi keele ja kultuuri teemaliidsi arotuisi mõtõ' om vallalõ seletä' võro keele pruukjilõ ette tulnuid küsümüisi ja otsi' üten kogokunnaga lahenduisi paikkundligu keele hoitmisõs tõisi kiili kõrval.

Innembi om arotusõs olnu võro keele kiräpilt, „õigõ“ võro keele küsümus ja paikkundligu keele pruukminõ avaligun ruumin.

Teedüs tel 78 28 750

http://www.wi.ee

Võro Instituut