Võro Instituudi saalin (Tartu tn 48, Võro) iispäävä, 4. mail 2009 alostusõga kell 16.00.

VANA VÕROMAA KÄSITÜÜ ÕDAK

KIRÄ' VÕROMAALT

Kirju all saami mõista nii mustrikirju käsitüün, ku vanarahva tarkust, niisamatõ lihtsäle teedüst. Mõistõ „kirä' Võromaalt“ om laja ja nii omma' ka Vana Võromaa käsitüü õdagu tegemise' sainast saina:

Projektikirä':      Meistriide kokkosaaminõ ja tutvastegemine.

- Kõnõlõmi Vana Võromaa Käsitüükogo luumisõ mõttõst ja meistriide andmiidõ kogomisõst.

- Kaemi valmissaanu vihukõist „Elo ja mõistminõ Vanal Võromaal inne ja parla“

Kõnõlust avitasõ' hoita Marika Sepp, Aino Suurmann ja Triinu Ojar.

Karula kihlkunna kirä': Karulan om pall'o vanna tiidmist alalõ.

- Kaemi valmissaanu CD-d, kohe pääle omma' kokko korjatu Karula kihlkunna vanõmba käsitüü näütide pildi' ja seletüse'.

- Kullõmi, miä tetäs Karula Hoiu Ühingun.

Kõnõlõsõ' Lilian Freiberg ja tõsõ' Karula Hoiu Ühingu inemise'.

Uurmiskirä':   Kultuuriliisi ootuisi uuring Vanal Võromaal.

Seo aastaga talvõl tetti Vana Võromaa pääl uurmistüüd ja küsüti 70 esi kandi kultuuriinemise käest, mändse' piässi edespite olõma võro kultuuriruumiga köüdetü tegemise'.

Uurmisõ tulõmuisist kõnõlõs Nele Reimann-Truija.

Võromaa kindakirä': Raamat ja näütüs Võromaa kindakirjust.

- Kaemi valmissaanu raamatut „Kirä' Võromaalt. Kinda'“.

- Kullõmi teedüst Vana Võromaa kindist ja kirjust.

- Teemi vallalõ kindanäütüse.

Kõnõlõs Tuuli Tubin.

Kingitüisi kirä':     Meenekonkursi "Kingitüs Võromaalt" näütüs ja auhinna'.

- Kõnõlõmi meenekonkursist.

- Annami üle konkursi auhinna'.

- Teemi vallalõ näütüse konkursi töiest.

Kõnõlõs Marika Sepp ja žürii nimel Liia Leppik.

Lõpõtusõs Võromaa laulu-, muusika-, tandsu ja söögikirä' kõigilõ!

OODAMI KÕIKI! Õdagulõ sissepäsemine massa-i midägi, ka vällä saa rahalda!

Kõrraldaja': Võro Instituut, Võro Selts VKKF, Näputüüselts, Orava Maanaiste Selts, Karula Hoiu Ühing.

Teedüs: tel 533 22 153

* * *

Näütüse' „Kirä' Võromaalt. Kinda'“ ja "Kingitüs Võromaalt" jääse' Võro Instituudin vallalõ kooni 2009. aasta jaanipääväni.

Näütüisi saa kaema tulla' tüüpäivilde kell 9.00. - 17.00.

Oodõtas ka suurõmbit puntõ ja koolilatsi ekskursioonõ!

Edespite saa kindakirju näütüst telli muialõ kah!

Suurõmba rahvaga kaema tulõkist teedäandminõ, niisamatõ näütüse telmise kokkolepmine: tel 78 28 750 vai See e-posti aadress on kaitstud spämmirobotide vastu. E-posti aadressi nägemiseks peab olema JavaSkripti kasutamine olema lubatud. .