Tävvendetü om aoluulidse Võromaa kodoluulist kirändüsnimistüt

Võro Instituudi kodolehe pääl om vällän tävvendetü teedüssega aoluulidse Võromaa kodoluulinõ kirändüsnimistü. 2004. aastaga saisuga andmõ omma saia iks kõgõ katsõ kihlkunna ni Võro liina kotsilõ (http://wi.werro.ee/bibliograafia/).

Kirändüsnimistu om nigu määnetaht liin – taa saa-i ilmanki tävveligult valmis. Hää inemine, ku sa näet, et määneki ololine raamat, artikli vms om su kodokülä, -kooli vai su kandist perit tunnõdu inemise kotsilõ nimmamalda, sõs anna tuust meile õkva teedä meili See e-posti aadress on kaitstud spämmirobotide vastu. E-posti aadressi nägemiseks peab olema JavaSkripti kasutamine olema lubatud. pääle.

Peris eräle palvõ om meil koolõlõ. Ku teil om olõman opilaisi väega häie kodoluulitsi uurmistöie nimistü, sõs saatkõ tuu meile. Nisamatõ kaegõ, kas ti kooli aoluu kotsilõ ärtrükit raamadu vai kirotõt artikli iks ommava aoluulidse Võromaa kirändüsnimistün olõman.

Ja ku latsilõ om vajja teemasit ao-, luudus- ni kultuuriluu uurmistöies, sõs naid saava oppaja-juhendaja umbõhäste koostada iks seodsamma aoluulidse Võromaa kirändüsnimistüt pruukõn.

Juuri otsmine om parhilla moodun. Püvvämi sõs alanu kooliaastal uma kodokandi suhtõn muudsa olla!

Lähemb teedüs tel 78 28 754 päält.

Tiia Allas, Võro Instituudi spetsialist kirändüse ni keele ala pääl