Võrol kõnõldas väikeisist keelist mitmõkeelitsen ütiskunnan

Riidi 30. rehekuu pääväl nakkas Võro Instituudin pääle rahvidõvaihõlinõ konvõrents "Väiku' keele' mitmõkeelitsen ütiskunnan". Konvõrendsil om kõnõlõjit Eestist, Soomõst, Udmurtiast, Norrast ja S'aksamaalt. Kaemisõ ala võetasõ' mitmõ' lähkümbä' ja kavvõmba' veidembpruugidu' keele' võro, kihnu, vad'a ja salatsiliivi keelest mari, udmurdi, nynorski ja bretooni keeleni.

Katõpäävätsel konvõrendsil kaias väikeisi kiili ja mitmõkeelidse ütiskunna teemasit põhilidsõlt sotsiolingvistiga, grammatiga, keelekõrraldusõ ja keelepoliitiga nuka alt. Arotõdas keeleveidembüisi hindäpdämise küsümüisi, kõnõldas väikeisi kiili olõmanolõmisõst ja tüütämisest meediävälän ni keelemaastigu pääl. Juttu tulõ mitmõ maa keeleliikmiisist ja väikeisi kiili elloherändämise katsist, a ka näütüses vahtsõst plaankeelest budinos, midä om kutsut soomõ-ugri esperantos.

Konvõrendsi kõrraldas Võro Instituut ütistüün Tarto Ülikooliga. Konvõrents juhatas sisse võro keele nädäli, mink ettevõtmisõ' tulõva' 30. rehekuu - 6. märtekuu pääväni mitmin vana Võromaa nukõn.

Konvõrendsi kava:  http://www.wi.ee/vr/konv09kava

Küsümiisile vastas:

Sulev Iva